मोहम्मद शमी, सिराज की चहर? जसप्रीत बुमराहच्या जागी संघात कोण येणार, राहुल द्रविड म्हणाले....

 भारतीय संघ आता टी-२० विश्वचषक २०२२ साठी सज्ज झाला आहे. पाकिस्तानविरुद्ध पहिला सामना खेळत संघ आपल्या मोहिमेही सुरुवात करणार आहे. यावर्षीचा टी-२० विश्वचषक भारत पटकावणार का, याकडे सर्वांचे लक्ष लागून राहिले आहे. तत्पूर्वी भारताचे मुख्य प्रशिक्षक राहुल द्रविड यांनी madhyamanshi चर्चा करताना महत्त्वपूर्ण माहिती दिली आहे.


भारतीय क्रिकेट संघाचे मुख्य प्रशिक्षक राहुल द्रविड म्हणाले की, आगामी टी-२० विश्वचषक २०२२ च्या पर्थमधील सरावात संघाचा मुख्य उद्देश ऑस्ट्रेलियामध्ये वेगळ्या वेगाची आणि उसळीची सवय लावणे आहे. ऑस्ट्रेलिया आणि दक्षिण आफ्रिकेवरील घरच्या मालिकेतील विजयानंतर माध्यमांशी बोलताना द्रविड म्हणाले की, विश्वचषकापूर्वी ऑस्ट्रेलियाला लवकर रवाना होण्याचा उद्देश खेळाडूंना तेथील परिस्थितीशी जुळवून घेणे हा आहे, विशेषत: त्या खेळाडूंसाठी जे त्या देशात याआधी सामने खेळले नाहीत.


गुरुवारी सकाळी संघ पर्थला रवाना होईल. आयसीसी (आंतरराष्ट्रीय क्रिकेट परिषद) आयोजित सराव सामन्यांसाठी ब्रिस्बेनला जाण्यापूर्वी संघ पर्थमध्ये आपापसात काही सराव सामने खेळेल. भारत २३ ऑक्टोबर रोजी पाकिस्तान (India vs Pakistan) विरुद्धच्या सामन्याने विश्वचषक मोहिमेची सुरुवात करेल.

द्रविडने दक्षिण आफ्रिकेविरुद्धच्या तिसऱ्या टी-२० (IND vs SA 3rd T20I)आंतरराष्ट्रीय सामन्यानंतर पत्रकार परिषदेत सांगितले , "आम्हाला पर्थमध्ये काही सत्रे घालवण्याची संधी मिळेल आणि त्यानंतर काही सामने होतील. खेळपट्टीवरील चेंडूचा वेग आणि उसळी घेण्याच्या बाबतीत ऑस्ट्रेलिया खूपच अनोखा आहे आणि आमच्या अनेक खेळाडूंनी ऑस्ट्रेलियात जास्त टी-२० क्रिकेट खेळलेले नाही."


प्रक्षिक्षक म्हणाले, "प्रथम ऑस्ट्रेलियाला जाण्याचा उद्देश संघाला सरावासाठी वेळ देणे हा आहे. ऑस्ट्रेलियाच्या वेगाची आणि उसळीची सवय होण्यासाठी थोडा वेळ लागतो आणि आशा आहे की सरावानंतर आम्हाला त्या परिस्थितीत कसे खेळायचे हे समजेल. त्यामुळे रणनीती आखणे सोपे होईल."


माजी दिग्गज खेळाडू म्हणाले, "हे महत्वाचे आहे (लवकर जाणे) कारण आमच्याकडे एक तरुण संघ आहे, ज्याने ऑस्ट्रेलियामध्ये फारसे क्रिकेट खेळलेले नाही. त्यामुळे आशा आहे की हे लवकर जाणे आमच्याशी फायदेशीर ठरले."


पाठीच्या दुखापतीमुळे जसप्रीत बुमराहला वर्ल्डकपमधून वगळणे हा संघासाठी मोठा धक्का आहे. भारतीय संघाने गेल्या काही सामन्यांमध्ये शेवटच्या षटकांमध्ये अनेक धावा दिल्या आहेत. त्याच्या जागी मोहम्मद शमीचा संघात समावेश होण्याची शक्यता आहे


द्रविड म्हणाले, "आम्ही बुमराहच्या बदलीच्या दृष्टीने गोष्टी पाहत आहोत, आमच्याकडे १५ ऑक्टोबरपर्यंत वेळ आहे. शमी स्टँडबायवर आहे पण दुर्दैवाने तो या दोन मालिकेत खेळू शकला नाही."


मुख्य प्रशिक्षक म्हणाले, "त्या दृष्टीकोनातून ते आदर्श ठरले असते, परंतु तो सध्या एनसीए (नॅशनल क्रिकेट अकादमी) मध्ये आहे. करोनाचा सामना केल्यानंतर १४-१५ दिवसांनी त्याची स्थिती काय असेल याचा अहवाल आम्हाला घ्यावा लागेल. पुढे सांगताना ते म्हणाले, "गेल्या दोन ट्वेंटी-२० मालिकांमध्ये आम्हाला जे हवे होते ते मिळाले."

Post a Comment

Previous Post Next Post